نهارين لتالي قريت نص لطارق لهنا يعبر فيه عن الاستغراب وممكن الحزن للصخب الكبير الي صاحب عملية حجب موقع فايسبوك في وقت الي جارنا يلملم في جراحه ويحصي في عدد الموتى تعازي الحارة للاخت هناء
زدت قريت تعليق لرومي لهنا يستغرب كيفاش صار نجاح كيما هكة لحاجة غير لازمة
تواصل الامر في مابعد بين من يقول ان فايس بوك قد حجب او انها اشاعة
وتنديد وعياط وشوهةدعوات لمقاطعة الانترنات ومجموعات تكونت في لحظات وتجندت للتنديد
حقيقة اصاب بالدهشة انا ايضا عندما اشاهد كل هذ التجند العفوي لحاجة لازلت لا ارى فيها اهمية كبرى خاصة في تونس اللهم الا ارضاء نزعة التفاخر والتفييس التونسية(صور السهريات والرحلات والمجون تشهد بذلك)ربما في مصر يختلف الامر كيف نتذكرو اسراء عبد المقصود ولا في بلجيكيا مثلا الي فايس بوك يمثل فرص للعثور على عمل الخ من الاشياء المفيدة لكن في تونس؟
ماعندنا كان حكاية حجب فايس بوك؟
وينهم الخمسة وعشرين الف عضو في فايس بوك كيف تسمع حكايات ولا تشوف احوال الناس كيفاش عايشة ؟
تقرا ان بين 2002 و2007 احصي مايقارب 10000 حالة اجهاض لعازبات بمعدل 5 حالات يوميا؟؟؟؟؟؟
تشوف كيفاش طال الوقت بناس بشهائدها وهي بطالة
تشوف رجال ولات نساء ونساء ولات رجال
تشوف عباد الكوليك اذلة قدام دبابز الكحول يحكيو في حكايات غريبة مع نجوم الليل موش فاهمين شيء
تشوف بنات لابسين خمار ولابسين بوديات ودجين زعمة لوك جديد بين الموضة والدين تقول الدين ولا فيس
تسمع بام تبعث بناتها للفساد موش مشكل مدام تجيب لفلوس
البراكجات ولات في اي وقت صباح وليل
اعتدأءت على المواطن بالعنف الشديد وبحضور اعوان تراتيب موثق بالصورة ولا من مجيب
في اي بلد ذو شرعية يتم اتخاذ اجرات فورية ولكن عندنا نحنا يتم ضرب المواطن تحت لافتة تقول على العهد لمجد تونس وعلى درب التقدم سائرون شوف الصور بش تفهم مدلول كلمة تقدم
تشوف كوبلوات نساء وتشوف كوبلوات رجال احوال وافعال خنزرة تقشعر لها الابدان تشوف الشرف رخص برشة بنات ولاو بالكرية
تقرير عن تخلي الدولة عن توقفها عن التحكم في استيراد الحبوب يمر بصمت وتعتيم و
بدون حتى تعليق
رغم مايكتسيه الامر من خطورة واهمية ويمس المواطن بشكل مباشر
اسئل واتسائل ولا من مجيب
مازلت العين تشوف والاذن تسمع
ربي يهدي ماخلق
7 commentaires:
بالنسبة لفايس بوك ما عندي عليه حتى فكرة لا آش يعملوا فيه و لا علاش معمول... لهذا مانجمش نعطي رايي فيه
لكن في النقاط الأخري الكل موافقة مياء في المياء، ودورنا باش نكتبوا في المواضيع إلّى اتهم الشعب واتمسوا في عيشتو و أخلاقو و القيم متاعو
أنا البارح قريت تقرير على الإجهاض خلاني مرعوبة وانشوف إلّى هو موضوع لازم يتحكى فيه و يتدرس
يظهرلي لحكاية مسألة مبدأ و بغض النظر على استعمالات الفايسبوك المختلفة، أنا نفرح كي نشوف اللي هو بقى محلول حتى ولّى أفيون باش الرياكسيون تكون أقوى و عمّار يفيق على روحو... بالنسبة لطارق الشنيتي في بالي بيه ما يؤمنش بحتى وحدة في الوقت الحالي و يرى في كل مرة اللي كان نتلهاوا بمشاكلنا خير... بالطبيعة متضانين مع خواتنا الدزيرية لكن توة عندنا مشكلة أحنا زادة، صحيح تقل أهمية، اسمها الحجب
هناني
يضهرلي قرينا نفس التقرير وحزنت اكثر منك
موضوع خطير ومهم برشة وماهوش ماخو حقو كيما يلزم
وورلوف
الضاهر انك مافهمتنيش اش حبيت نقول
الموضوع الي تحدثت عليه انا مايتعلقش بالحجب الي هو موضوع اساسي ومهم
اناتطرقت لموضوع جانبي ماعندوش علاقة بالحجب
مشكلتي مع اولويات التونسي وطريقتو في التطرق للمشاكل
وبالطبيعة راو معندنا وين نخلطو اذ تعرضنا للحجب
وزيد طارق وافكارو هذاكةموضوع اخر مايعنينيش ولكن مايمنعش انو كلامو صحيح المرة هاذي.
عمروش هاك قلتها ما عندنا وين نوصلو بالحجب و خاصة التعتيم... حكاية الأولويات نسبية و عند شيراك أمورنا 5/5 مادامنا ناكلوا و نشربوا و عندنا رعاية صحية... التقارير اللي تحكي عليهم كعبتين و كعبة سمعوا بيهم... يا أخي أنا أولوياتي المعلومة الحرة باش نعرفوا مشاكلنا و انجموا نواجهوها... البوست متاعك يظهرلي واضح و ماناش مختلفين على مضمونو لكني نخزرلو من زاوية أخرى
بالرغم إلي ما فماش اختلاف بين النقاط هذية الكل... و طبعا في أنو الحديث على حجب فايسبوك ما ينجمش يمنع الحديث على المواضيع لخرى (شخصيا في مدونتي تحدثت عليهم الكل)... نحب نضيف إلي الفايسبوك ماخذ حجم كبير في الاهتمام مش على خاطر فمة ناس غاطسة في شبكاتها الاجتماعية و ما يهمهاش فلي صاير... بل لأنو الفايسبوك نفسو كيفو كيف فضاء المدونات ولى هو نفسو منبر للحديث على المواضيع إلي ربما يعتبر عمروش أنها أكثر أولوية... و هذاكة بالتحديد إلي كان ذريعة الحجب... يعني الفايسبوك هو أداة من أدوات الحديث على المواضيع هذيكة... و حجبو في علاقة بتفعيلو في اتجاه المواضيع هذيكة...
طارق
نتمنى كلامك يكون صحيح لكن لاغلبية السائدة هي مجرد علاقات اجتماعية وتواصل افتراضي لكن هذا مايمنعش اني مانقصش من قيمة المجموعات الجدية والهادفة الي مو جودة في الفايس بوك
فمى موضوع تحرير توريد الحبوب الي انت تحدثت عليه هو مثلا موضوع اكثر من مهم في حجم تاثيرو على المستهلك بصفة مباشرة ويطرح عدة اسئلة للنقاش من ذلك هل ان الدولة قررت التخلي عن دعم الحبوب؟سوم الخبز زعمة يزيد يغلى؟ زعمة تولي فمة رخص توريد خاصة او يفتح الباب للجميع؟برشة اسئلة وماتلقاش الجواب الشافي
ilghoula sam3it bil karar hadha 3and'ha moda; 3ad hadhaka 3lech Hnani kitbit tawa chahrin 3la ilghoula illi itdour fisswani wa tichri fi ilkami7
http://blog.tunisien.org/?p=299
Enregistrer un commentaire